LMA 2005年度壓軸巨獻
〔鼠鼠報獨家消息〕坊間近日流傳LMA將舉辦大型打邊爐活動，
經創辦人深入調查後，發現於主耶穌生日舉行慶祝活動乃民心所
向，所以決定正式公佈是項活動情況：
日期：12月25日(Sunday~)
時間：晚上
形式：打邊爐
地點：待定（可以出街食，可以打擾我們中間其中一人，:>創辦
人現在虎視眈眈nerdymoo和Yee的屋企）
報名或聯絡方法：請留言～
posted by ki @ 3:39 PM
Lowb & Moliu Association
we sometimes lowb, sometimes moliu...
Wednesday, December 07, 2005
經創辦人深入調查後，發現於主耶穌生日舉行慶祝活動乃民心所
向，所以決定正式公佈是項活動情況：
日期：12月25日(Sunday~)
時間：晚上
形式：打邊爐
地點：待定（可以出街食，可以打擾我們中間其中一人，:>創辦
人現在虎視眈眈nerdymoo和Yee的屋企）
報名或聯絡方法：請留言～
Lowb & Moliu Association
we sometimes lowb, sometimes moliu...
Contributors
Links
Previous Posts
14 Comments:
我第一個報先!我贊成去打攪吓爸爸,不過...唔得都唔緊要
電腦無啦啦update唔倒．．．俾人擺咗上枱都懞吓懞吓添．．．
喂，阿福娃契媽，做乜幫我兩個仔改啲咁難聽嘅名呀？聞哩樣聞嗰樣咁肉酸？
所謂「男主外，女主內」，攪到我太座個檔攤，就梗係要老婆大人話得至得啦！晏啲覆你哋啦！
12月25日...要彈晚堂...
don't worry!!!
i'll go! i clean the house for you after the function!!!!
唔好唔記得嗰幾日係假期，出街打．．．邊爐就冇啦，打死狗（咁多人）就有！太座話冇問題，有人洗碗就得啦！上嚟啦上嚟啦！上嚟俾我兩個仔玩啦！保證一定玩死！不過地方淺窄，十個八個就OK，再多就真係要另謀對策啦！
唔緊要啦,我估我哋都唔會一次過企晒响個爐邊架啦,總有啲人要犠牲吓俾你兩個仔玩....哈哈哈哈........
jenjen，乜唔係應該「買得多,慳得越多」咩？買火鍋料可以去厚德街市，平啲又新鮮啲，湯底我搞掂啦！咁多人，可能要開兩個爐噃．．．就「莞茜皮蛋」同埋「臘鴨蘿蔔」啦！冇咁熱氣呀！當然會有沙爹醬呀，混醬呀，蕊醬呀，吹醬呀．．．俾你哋點撈都得啦！
番兜一兜先．．．真係失閣哂，阿「零售業矩子」兼福娃jenjen大架！
但係講到買菜我就點都係覺得搵番「菠菜蓮」檔嘢會抵啲！
同埋你嗰句口號真係唔係幾合邏輯呢！抄咪抄囉！你唔抄足都抄咗條橋八成啦，係咪？
太可惡...傾得咁開心, 我只係有得睇無得食...大家快d精神上支持一下我呢個要彈晚堂既人啦
放心,anica-jcf,你夜啲殺上黎嘅話應該仲有兩鑊傑撻撻嘅邊爐湯 + 眾弟兄姊妹嘅糊狀人造燕窩留番俾你!
叫唔叫其他Plgd啲老死呀？
死啦死啦！我哋呢個Function撞正Plgd聯歡呀！主持人，有何計策？
Post a Comment
<< Home